ഇന്ദ്രചാപത്തിന് ഞാണഴിഞ്ഞു
ഇന്ദ്രചാപത്തിൻ ഞാണഴിഞ്ഞു ഇന്നീ
കന്നിമണ്ണ് കുളിരണിഞ്ഞു
(ഇന്ദ്രചാപത്തിൻ....)
മനസ്സൊരു മയിൽപ്പേടപോലെ പ്രിയ-
മൈഥിലി മധുമാസപ്പുലരിപോലെ
ഇന്ദ്രചാപത്തിൻ ഞാണഴിഞ്ഞു ഇന്നീ
കന്നിമണ്ണ് കുളിരണിഞ്ഞു
മണ്ണും വിണ്ണും മോതിരം മാറുന്ന
മംഗളസ്വയംവരയാമം
മെയ്യുരുമ്മി കളഹംസമിഥുനങ്ങൾ നീന്തുമീ
കയ്യോന്നിപുഴയുടെ ഓരം
കാലങ്ങൾ അറിയാതെ കല്പങ്ങൾ അറിയാതെ
ഈ ശിലാതല്പത്തിൽ അലിയാം നമുക്കീ
ഭൂമിയെ പർണ്ണക്കുടീരമാക്കാം
ഇന്ദ്രചാപത്തിൻ ഞാണഴിഞ്ഞു ഇന്നീ
കന്നിമണ്ണ് കുളിരണിഞ്ഞു
ഈണം ശ്രുതിയെ മാറിൽ പടർത്തും
ഈ ആദ്യ സംഗമ രഹസ്യം
ഓളങ്ങൾ ഇണചേർന്നു സ്വയം മറന്നൊഴുകുമീ
ഓമൽ പുഴയുടെ തീരം
രാവുകൾ കാണാതെ പകലുകൾ കാണാതെ
നീലക്കടമ്പുകളായ് പൂക്കാം നമുക്കീ
നിമിഷങ്ങൾ നക്ഷത്ര ലഹരിയാക്കാം
(ഇന്ദ്രചാപത്തിൻ.....)
ഇന്ദ്രചാപത്തിൻ ഞാണഴിഞ്ഞു.....
indrasābattin ñāṇaḻiññu innī
kannimaṇṇ kuḽiraṇiññu
(indrasābattin....)
manassŏru mayilppeḍabolĕ priya-
maithili madhumāsappularibolĕ
indrasābattin ñāṇaḻiññu innī
kannimaṇṇ kuḽiraṇiññu
maṇṇuṁ viṇṇuṁ modiraṁ māṟunna
maṁgaḽasvayaṁvarayāmaṁ
mĕyyurummi kaḽahaṁsamithunaṅṅaḽ nīndumī
kayyonnibuḻayuḍĕ oraṁ
kālaṅṅaḽ aṟiyādĕ kalbaṅṅaḽ aṟiyādĕ
ī śilādalbattil aliyāṁ namukkī
bhūmiyĕ parṇṇakkuḍīramākkāṁ
indrasābattin ñāṇaḻiññu innī
kannimaṇṇ kuḽiraṇiññu
īṇaṁ śrudiyĕ māṟil paḍarttuṁ
ī ādya saṁgama rahasyaṁ
oḽaṅṅaḽ iṇasernnu svayaṁ maṟannŏḻugumī
omal puḻayuḍĕ tīraṁ
rāvugaḽ kāṇādĕ pagalugaḽ kāṇādĕ
nīlakkaḍambugaḽāy pūkkāṁ namukkī
nimiṣaṅṅaḽ nakṣatra lahariyākkāṁ
(indrasābattin.....)
indrasābattin ñāṇaḻiññu.....