Aagaasa veethiyil

ആകാശവീഥിയില്‍ ആടുവാന്‍ മോഹം
ആതിരാക്കുളിരില്‍ നിന്നു പാടുവാന്‍ മോഹം
മനസ്സിലെ മോഹം മധുരിക്കും മോഹം
മദനന്റെ മാറില്‍ച്ചാരി മയങ്ങുവാന്‍ മോഹം

കരളില്‍ പലസ്വപ്നങ്ങള്‍ മണിമാലചാര്‍ത്തും
കാറ്റില്‍ പല രാഗങ്ങള്‍ പുല്ലാങ്കുഴലൂതും
കാര്‍മേഘക്കൂട്ടം ഭാവുകം നേരും
സ്നേഹത്തിന്‍ നെഞ്ചം രോമാഞ്ചം ചൂടും
വാ വാ വാ വാ വാരിപ്പുണരാന്‍

നിനവില്‍ പല പുഷ്പങ്ങള്‍ വിരിയാതെ നില്‍ക്കും
കാലത്തിന്‍ കേളികളില്‍ അവ വീണ്ടും വിരിയും
കോകിലജാലം മംഗളം നേരും
മോഹങ്ങളെല്ലാം സത്യങ്ങളാകും
വാ വാ വാ വാ മാറോടു ചേര്‍ക്കാന്‍