ആയിരം പൂവിരിഞ്ഞാല്‍ അരവസന്തം
ആത്മസഖീ നീ ചിരിച്ചാല്‍ ആയിരം വസന്തം
കോടി കോടി തുള്ളി വീണു നിറഞ്ഞു നീരാഴീ
എന്‍ പ്രിയാ നിന്‍ ചുണ്ടുകളില്‍ പതഞ്ഞു പാലാഴി (ആയിരം..)
നിത്യ നീലനഭസ്സിലോ നിന്‍ ലോല മിഴിയിലോ ?
ഇന്ദ്രചാപം തൊഴുതുണരും അഴകു ഞാന്‍ കണ്ടു
ഓ.ഓാ..
സ്വര്‍ഗ്ഗഹംസം പറന്നുയരും സ്വാതി ഗീതമോ
നിന്‍ മൊഴിയിലൊഴുകി വരും ധ്വനികള്‍ ഞാന്‍ കേട്ടൂ (ആയിരം..)
രമ്യ രാഗ സരസ്സിലോ നിന്‍ ലാസ്യകലയിലോ ?
പുഷ്പബാണ പുഞ്ചിരിതന്‍ പുളകം ഞാന്‍ കണ്ടു
ഓ.ഓാ..
പ്രാണനാകെ കുളിരണിയും വീണ നാദമോ?
നിന്‍ മനസ്സില്‍ തുളുമ്പി നില്‍കും ജതികള്‍
ഞാന്‍ കേട്ടൂ, പ്രിയ ജതികള്‍ ഞാന്‍ കേട്ടൂ..(ആയിരം..)
