പോക്കുവെയിൽപ്പൊന്നുരുകി പുഴയിൽ വീണു
പൂക്കളായ്‌ അലകളിൽ ഒഴുകിപ്പോകേ
കൺനിറയെ അതുകണ്ടു നിന്നുപോയ്‌ നീ.. നിന്റെ
മൺകുടം പുഴയിലൂടൊഴുകി പോയി
(പോക്കുവെയിൽ)
പ്രാവിണകൾ കുറുകുന്ന കോവിലിൽ വെച്ചോ
പാവലിന്നു നീർ പകരും തൊടിയിൽ വെച്ചോ
ആദ്യം അന്നാദ്യം ഞാൻ കണ്ടു നിന്നെ
പാട്ടിൽ ഈ പാട്ടിൽ നിന്നോർമ്മകൾ മാത്രം
(പോക്കുവെയിൽ)
അഞ്ജനശ്രീ തിലകം നിൻ നെറ്റിയിൽ കണ്ടു
അഞ്ജിത താരകൾ നിന്റെ മിഴിയിൽ കണ്ടു
രാത്രി ഈ രാത്രി എന്‍ ഓമലെപ്പോലെ
പാട്ടിൽ ഈ പാട്ടിൽ നിന്നോർമ്മകൾ മാത്രം
(പോക്കുവെയിൽ)
