Oru panineerppoovinullil

ഒരുപനിനീര്‍പ്പൂവിന്നുള്ളിലുറങ്ങീ ഞാന്‍
ഒരുരാക്കിളിപാടിയ പാട്ടില്‍ ഉണര്‍ന്നൂ ഞാന്‍

വനദേവതമാര്‍ നൃത്തം വയ്ക്കും വള്ളിപ്പടര്‍പ്പുകളില്‍
നിലാവുനിന്നു കൊളുത്തിയ പൂത്തിരി കെടാന്‍ തുടങ്ങുമ്പോള്‍
വസന്തരജനിയില്‍ വരുമവനരികില്‍ മധുരസ്വപ്നവുമായ്

മണിയറയുടെ വാതിലില്‍ മധുവിധുവിന്‍ കോവിലില്‍
ഒരുപുളകപ്പൂത്താലവുമായ് ഒരുങ്ങിനില്‍പ്പൂ ഞാന്‍

തളിരണിമെത്തയിലടുത്തിരുന്നൊരു തംബുരുമീട്ടാം ഞാന്‍
കവിളിന്നിതളില്‍ കൈവിരല്‍ കൊണ്ടൊരു കളം വരയ്ക്കും ഞാന്‍
മനസ്സില്‍ മലര്‍മഴ ചൊരിയും രമണനു വിരുന്നൊരുക്കും ഞാന്‍