Kaadaramili

കാതരമിഴി കാതരമിഴി ചൊല്ലു ചൊല്ലു നിന്റെ
കല്യാണരൂപനിന്നലെ വന്നുവോ?
കദളീവനത്തണലില്‍ കറുകം പുല്‍ മെത്തയില്‍
കവിതയും പാടിയിരുന്നുവോ?

പുഴയുടെ കടവില്‍ നീ പുത്തിലഞ്ഞിച്ചോട്ടില്‍
പൂപെറുക്കാന്‍ ചെന്നു നിന്നുവോ?
വാര്‍മുടിക്കെട്ടിലവന്‍ വൈശാഖസന്ധ്യയില്‍
വാസനപൂക്കള്‍ ചൂടിത്തന്നുവോ?
കാതരമിഴി.........

പുളകം കൊണ്ടാകെ നീ പൂത്തുതളിര്‍ത്തതു
കുളിര്‍കാറ്റും തുമ്പിയും കണ്ടുവോ?
മോതിരക്കൈകളാല്‍ കണ്ണുകള്‍ പൊത്തി നീ
മോഹിച്ചതൊക്കെയവന്‍ തന്നുവൊ?
കാതരമിഴി.....