Milimeen pole

മിഴി മീന്‍ പോലേ മൊഴി തേന്‍ പോലേ
മുഖം ചന്ദ്രബിംബം പോലെ
കാമുകന്‍ പ്രിയ കാമുകന്‍ അവന്‍
കാമദേവനെ പ്പോലെ
(മിഴി മീന്‍..)

മനസ്സൊരുദ്യാനം അതില്‍
മലര്‍ക്കുയിലായ് ഞാന്‍ പറക്കും
രോമവൃതമാം മാറില്‍ ഒരു
പ്രേമലതികയായ് പടരും
രോമാവൃതമാം മാറില്‍ ഒരു
പ്രേമലതികയായ് പടരും
ഞാന്‍ പടരും
(മിഴി മീന്‍....)

നിറഞ്ഞ താരുണ്യം അതില്‍
നിറമധുവായ് ഞാന്‍ പതയും
ആരാധികയായ് അരികില്‍
അനുരാഗവിവശയായ് നില്‍ക്കും
ആരാധികയായ് അരികില്‍
അനുരാഗവിവശയായ് നില്‍ക്കും
ഞാന്‍ നില്‍ക്കും
(മിഴി മീന്‍..)