നക്ഷത്രമുല്ലയ്ക്കും
നമ്മുടെ സ്നേഹത്തിന്‍
പിച്ചകവല്ലിക്കും ജന്മനാളു്
ജന്മനാളു്
ആതിരേ നീയുമെന്‍ തോഴി
ഓര്‍മ്മതന്‍ മോതിരം മാറും ഞാന്‍ വെണ്ണിലാവു്
(നക്ഷത്ര)
ചിറകുണക്കാന്‍ വരും വെയില്‍ക്കിളി
നമ്മുടെ ചിരി കേട്ടു കോരിത്തരിച്ചു പോയോ
(ചിറകുണക്കാന്‍ )
ചിലമ്പിട്ട പുഴയുടെ കളിമുത്തു് കവരുന്നൊ -
രിളം തെന്നലിപ്പോള്‍ ഉറങ്ങിയോ
ഉണര്‍ന്നിരിക്കാം നമ്മള്‍ ഉണര്‍ന്നിരിക്കാം
കുയിലിന്റെ തമ്പുരു ശ്രുതി ചേര്‍ക്കാം
(നക്ഷത്ര)
തുയിലുണര്‍ത്താന്‍ വരും പാണന്റെ തുടിയിലും
ത്രിപുടയായു് ഉണരുന്നു നിന്റെ മോഹം
(തുയിലുണര്‍ത്താന്‍ )
തിരിവെയ്ക്കും പുലരിതന്‍ ചെന്തളിര്‍ ചുണ്ടിലും
തിരുമധുരം പോലെ ഈ ഒരു രഹസ്യം
ഇനിയുറങ്ങാം നമ്മള്‍ക്കിനിയുറങ്ങാം
ഇഴനേര്‍ത്ത സ്വപ്നങ്ങള്‍ പുതച്ചുറങ്ങാം
(നക്ഷത്ര)
