Ee mili kaanumbol

ഈ മിഴി കാണുമ്പോളാമിഴി കാണും
ഈ ചിരി കേള്‍ക്കുമ്പോളാച്ചിരി കേള്‍ക്കും
പിച്ചകപ്പൂമേനി കാണുമ്പോള്‍ വിണ്ണില്‍ നി-
ന്നച്ഛന്റെ രൂപമെന്നുള്ളിലെത്തും (ഈ മിഴി)

ഉണ്ണിയെ കാണുമ്പോള്‍ ഓടിവന്നെത്തും
കണ്ണീരില്‍ മുങ്ങിയൊരോര്‍മ്മകളേ
മാനസഭിത്തിയിലെഴുതുന്നു നിങ്ങള്‍
മായാത്ത സുന്ദരചിത്രങ്ങള്‍
ആ.. ആ.. ആ..

ആ കുഞ്ഞിക്കൈയ്യില്‍ ചുരുട്ടിപ്പിടിച്ചതു
സ്വര്‍ഗ്ഗീയനന്ദന പുഷ്പങ്ങളോ
കാലം കഴിയുമ്പോള്‍ ശത്രുവെ വെല്ലുവാന്‍
ദൈവം തന്നൊരായുധമോ
ആ.. ആ.. ആ.. (ഈ മിഴി)