കണ്ണാടിവിളക്കുമായ് കാഞ്ചനക്കുടയുമായ്
പൌര്‍ണ്ണമിസുന്ദരി വന്നിറങ്ങീ....
(കണ്ണാടിവിളക്കുമായ്.....)
വിണ്ണിലെ മാദക മണിയറ ശയ്യയില്‍
വെണ്‍മേഘമിഥുനങ്ങളുറങ്ങീ....
ഉറങ്ങീ.....ഉറങ്ങീ.....പുണര്‍ന്നുറങ്ങീ...
കണ്ണാടിവിളക്കുമായ് കാഞ്ചനക്കുടയുമായ്
പൌര്‍ണ്ണമിസുന്ദരി വന്നിറങ്ങീ....
കയ്യെത്തും കൊമ്പിലെ ചെമ്പകപ്പൂവേ നിന്‍
കതിര്‍വാരിച്ചൂടുവാന്‍ മോഹം....
(കയ്യെത്തും......)
ഈ വെണ്ണിലാവിന്റെ പാദസരം ചാര്‍ത്തി
ആലോലമാടുവാന്‍ മോഹം..
കണ്ണാടിവിളക്കുമായ് കാഞ്ചനക്കുടയുമായ്
പൌര്‍ണ്ണമിസുന്ദരി വന്നിറങ്ങീ....
പാലപ്പൂക്കാടുകള്‍ പൂമണം ചൊരിയുന്ന
പാതിരാതെന്നലിന്‍ കുളിരില്‍...
(പാലപ്പൂക്കാടുകള്‍.....)
ഈ രാഗസ്വപ്നത്തിന്‍ ഗോപുരമഞ്ചലില്‍
താരാട്ടിയുറക്കുവാന്‍ മോഹം നിന്നെ
താരാട്ടിയുറക്കുവാന്‍ മോഹം...
