പനിനീരുമായ് പുഴകള്‍ നീന്തിവന്ന കുളിരേ
ഒഴുകുന്നു നിന്‍ കൊലുസ്സണിഞ്ഞ കൊഞ്ചലിതിലേ
മിഴിയാമ്പലില്‍ ശലഭവീണകള്‍
ശ്രുതി മീട്ടുമീ പ്രണയപ്പൊയ്‌കയില്‍
അല ഞൊറിഞ്ഞിറങ്ങി വരൂ (പനിനീരുമായ്)
തിങ്കള്‍ക്കുടം നിറയെ പൊങ്കല്‍ കുളുര്‍നിലാവ്
ചിന്തും വസന്തരാവേ (തിങ്കള്‍ക്കുടം)
ഞങ്ങള്‍ മയങ്ങും മലര്‍മഞ്ചല്‍ വിരിപ്പിലിളം
മഞ്ഞിന്‍ തണുപ്പു നല്‍കൂ (ഞങ്ങള്‍ മയങ്ങും)
അന്തിച്ചെപ്പില്‍ നിന്നും സിന്ദൂരം ചുണ്ടില്‍ തൂകി
അല്ലിച്ചെല്ലക്കന്നിക്കന്നങ്ങള്‍ ചായം പൂട്ടി
അരയന്നമുറങ്ങുന്ന തളിരിതള്‍ മിഴിയുടെ
ലഹരിയിലിനിയലിയാം (പനിനീരുമായ്)
എങ്ങോ മറഞ്ഞിരുന്നതെന്തോ നിറഞ്ഞലിഞ്ഞ
വെണ്‍ചന്ദന സുഗന്ധി (എങ്ങോ മറഞ്ഞ്)
എന്നോ മനസ്സിലിട്ടു മിന്നും താലിയും കെട്ടി
നിന്നെ എന്‍ സ്വന്തമാക്കി (എന്നോ മനസ്സില്‍)
ജന്മക്കൂടിന്നുള്ളില്‍ രാപാര്‍ക്കാന്‍ ചേക്കേറുമ്പോള്‍
ജോഡി ചോലത്തത്ത കുഞ്ഞുങ്ങള്‍ ഞാനും നീയും
കിളിത്തൂവല്‍ കുരുന്നുകള്‍ ചികഞ്ഞലിഞ്ഞിനിയെന്നും
ശിശിരപ്പൂങ്കുളിരണിയാം (പനിനീരുമായ്)
