തോം തിത്തോം തിത്തോം തിമൃതോമ്മ്
കടുതുടിതട്ടിത്താളം കൊട്ടിപ്പട്ടം കെട്ടിക്കോലംവെട്ടിപ്പടതുടര്
തെയ്യം തുള്ളിത്താളംതുള്ളിക്കളിതുടര്
പതിനെട്ടടവും പകിടകളും വടിവില്‍ തടയും പിടിവലിയും
നെട്ടോട്ടം കൂട്ടിപ്പായും കൂട്ടം
ഇത് കിണ്ടാട്ടക്കൂത്താടും പെണ്‍കൂട്ടം
ചിങ്കാരപ്പൂങ്കും കാട്ടി ചെഞ്ചോരക്കണ്ണോടെ
പുലിവേഷംകെട്ടിച്ചുറ്റിപ്പീക്കിരികാട്ടല്ലെ
തണ്ടുനടിച്ചൊരു വങ്കനു പണ്ടൊരു ഗുണ്ടുകിടച്ചകഥാന്തരമിന്നൊരു
ഫലിതം ഫലിതം ഫലിതം ഫ ഫ ഫ
ഇതുകരവാക്കരു പണ്ടു ശിരോമണിഭീമപരാക്രമനായ്
ഒരുചെറുഭൂവിനു തെണ്ടിനടന്നൊരു പടുകുഴിതോണ്ടുകയായ്
മതിയെനിയീ തിരുചരിതം പിടലിയില്‍ ഞാന്‍ ഇടിതരുമേ
അടിയെടെ പിടിയെട പടുകഥതുടരെട
തിരുതട വിരുതെട തിമിരെട മലമടിയാ
മാളോരെ കെണിയില്‍ വീഴ്ത്താന്‍ മഷിനോട്ടം തട്ടിപ്പാക്കി
മന്ത്രങ്ങള്‍ തന്ത്രംകാട്ടിക്കാവടിയാടല്ലേ
പൊക്കിനടന്നൊരു മര്‍ക്കടനിന്നൊരു പൊക്കണമേറ്റി നടന്നുവരുന്നതു
ഫലിതം ഫലിതം ഫലിതം ഫ ഫ ഫ
പുതിയൊരു ഭീകരമാന്ത്രികതാന്ത്രിക ശൂരവിശാരദനായ്
ഇവിടൊരു ഭാരക ഘോരഭയങ്കര പാരതുരക്കുകയോ
പടതുടരാം ഗതിപിരിയാം തടിതകരാം തകതികുതാ
അടിയെട പിടിയെട പടുകഥതുടരെട
വിരുതെട തിമിരെട തിരയെട മലമടിയാ
