उनाड पाऊस, अशांत पाऊस, अधीर भिरभिणारा पाऊस
निरोप घेऊन आभाळाचा भटके हा बंजारा पाऊस
हाक तृषेची येता कानी मातीची ऐकून विराणी
मेघांच्या कुंभातुन बरसे अमृतमय जलधारा पाऊस
प्राण नवे झाडांना देई, गीत नवे पक्षांना देई
बैरागी रानातुन फिरवी शांत-शीतल वारा पाऊस
पहाड राने, नदी सरोवर, ऊरा-उरी भेटून सार्यांना
एकेकाला लावून जाई सृजनाचा भंडारा पाऊस
उनाड पाऊस अशांत पाऊस
Work
Language
unāḍ pāūs, aśhāṅt pāūs, adhīr bhirbhiṇārā pāūs
nirop gheūn ābhāḻāchā bhaṭke hā baṅjārā pāūs
hāk tṛṣhechī yetā kānī mātīchī aikūn virāṇī
meghāṅchyā kuṅbhātun barse amṛtamay jaldhārā pāūs
prāṇ nave jhāḍāṅnā deī, gīt nave pakṣhāṅnā deī
bairāgī rānātun phirvī śhāṅt-śhītal vārā pāūs
pahāḍ rāne, nadī sarovar, ūrā-urī bheṭūn sāryāṅnā
ekekālā lāvūn jāī sṛjnāchā bhaṅḍārā pāūs