तुला पाहिले मी नदीच्या किनारी
तुझे केस पाठीवरी मोकळे
इथे दाट छायांतुनी रंग गळतात
या वृक्षमाळेतले सावळे !
तुझी पावले गे धुक्याच्या महालात
ना वाजली ना कधी नादली
निळागर्द भासे नभाचा किनारा
न माझी मला अन् तुला सावली
मनावेगळी लाट व्यापे मनाला
जसा डोंगरी चंद्र हा मावळे
पुढे का उभी तू, तुझे दुःख झरते ?
जसे संचिताचे ऋतु कोवळे
अशी ओल जाता तुझ्या स्पंदनातून
आकांत माझ्या उरी केवढा
तमातूनही मंद तार्याप्रमाणे
दिसे की तुझ्या बिल्वरांचा चुडा
तुला पाहिले मी नदीच्या किनारी
Work
Language
tulā pāhile mī nadīchyā kinārī
tujhe kes pāṭhīvrī mokḻe
ithe dāṭ chhāyāṅtunī raṅg gaḻtāt
yā vṛkṣhmāḻetle sāvḻe !
tujhī pāvle ge dhukyāchyā mahālāt
nā vājlī nā kadhī nādlī
niḻāgard bhāse nabhāchā kinārā
na mājhī malā an tulā sāvlī
manāvegḻī lāṭ vyāpe manālā
jasā ḍoṅgrī chaṅdr hā māvḻe
puḍhe kā ubhī tū, tujhe duḥakh jharte ?
jase saṅchitāche ṝtu kovḻe
aśhī ol jātā tujhyā spaṅdnātūn
ākāṅt mājhyā urī kevḍhā
tamātūnhī maṅd tāryāprmāṇe
dise kī tujhyā bilvrāṅchā chuḍā