तुझ्या गळा, माझ्या गळा
गुंफू मोत्यांच्या माळा
ताई आणखी कोणाला?
चल रे दादा चहाटळा
तुज कंठी, मज अंगठी
आणखी गोफ कोणाला?
वेड लागले दादाला
मला कुणाचे? ताईला
तुज पगडी, मज चिरडी
आणखी शेला कोणाला
दादा सांगू बाबांना
सांग तिकडच्या स्वारीला
खुसू खुसू, गाली हसू
वरवर अपुले रुसू रुसू
चल निघ, येथे नको बसू
घर तर माझे तसू तसू
कशी कशी, आज अशी
गंमत ताईची खाशी
आता कट्टी फू दादाशी
तर मग गट्टी कोणाशी?
tujhyā gaḻā, mājhyā gaḻā
guṅphū motyāṅchyā māḻā
tāī āṇkhī koṇālā?
chal re dādā chahāṭḻā
tuj kaṅṭhī, maj aṅgṭhī
āṇkhī goph koṇālā?
veḍ lāgle dādālā
malā kuṇāche? tāīlā
tuj pagḍī, maj chirḍī
āṇkhī śhelā koṇālā
dādā sāṅgū bābāṅnā
sāṅg tikaḍachyā svārīlā
khusū khusū, gālī hasū
varavar apule rusū rusū
chal nigh, yethe nako basū
ghar tar mājhe tasū tasū
kaśhī kaśhī, āj aśhī
gaṅmat tāīchī khāśhī
ātā kaṭṭī phū dādāśhī
tar mag gaṭṭī koṇāśhī?