तू नसतिस तर गेले असते
रोप चिमुकले सुकुनवाकुन
तू नसतिस तर केले असते
कुणी तयावर अमृतसिंचन
तू नसतिस तर मिळता कोठुन
घरट्याचा हा रम्य निवारा
तू नसतिस तर मिळता कोठुन
पंखाखाली गोड उबारा
तू नसतिस तर कळली नसती
कळ्याफुलांची कोमल बोली
तू नसतिस तर मिळली नसती
मृदु शीतलता चांदण्यातील
तू नसतिस तर कळले नसते
जीवन म्हणजे अथांग प्रीती
तू नसतिस तर जुळल्या नसत्या
गीताच्या या मंजुळ पंक्ती
tū nastis tar gele aste
rop chimukle sukunvākun
tū nastis tar kele aste
kuṇī tayāvar amṛtsiṅchan
tū nastis tar miḻtā koṭhun
gharaṭyāchā hā ramy nivārā
tū nastis tar miḻtā koṭhun
paṅkhākhālī goḍ ubārā
tū nastis tar kaḻlī nastī
kaḻyāphulāṅchī komal bolī
tū nastis tar miḻlī nastī
mṛdu śhītaltā chāṅdaṇyātīl
tū nastis tar kaḻle naste
jīvan mhaṇje athāṅg prītī
tū nastis tar juḻlyā nasatyā
gītāchyā yā maṅjuḻ paṅktī