തളിരിടും പൂഞ്ചിറകുമായ് ദൂരെ വാനവീഥികളില്
കതിരിടും തിന തേടുമീ ചെറു വെൺപിറാവുകളേ
കുറുകിയേതോ കഥമൊഴിഞ്ഞും പാട്ടുമൂളിയുമിന്നലെ
സ്വയമലിഞ്ഞും ലയമറിഞ്ഞും നിങ്ങളീവഴി പാറവേ
ആളുമെന് എരിതീയിലീ ചിറകാകെ നീറിയെന്നോ...
തളിരിടും പൂഞ്ചിറകുമായ് ദൂരെ വാനവീഥികളില്
കതിരിടും തിന തേടുമീ ചെറു വെൺപിറാവുകളേ...
നൂറു നൂറു പ്രതീക്ഷകള് ചുടുവേനലേല്ക്കും വേളയില്
ഉരുകിവീഴും കണ്ണുനീരാല് ഇളകി നൊമ്പരസാഗരം
പുണ്യങ്ങള് തേടും ജന്മങ്ങളെല്ലാം മണ്ണില് വീണടിഞ്ഞോ...
തളിരിടും പൂഞ്ചിറകുമായ് ദൂരെ വാനവീഥികളില്
കതിരിടും തിന തേടുമീ ചെറു വെൺപിറാവുകളേ...
ആര്ദ്രയാമൊരു സന്ധ്യയില് പകല് മായുമേതോ വേളയില്
അകലെയെങ്ങോ തെളിയുമെന്നോ സ്നേഹസാന്ത്വന ദീപകം
ശ്യാമാന്ധകാരം മൂടുന്ന നെഞ്ചിൽ നാളമായ് വിടരാം....
(തളിരിടും പൂഞ്ചിറകുമായ്....)