తారకబ్రహ్మమంత్రము తానై వున్నాఁడు రాముఁడు
(॥పల్లవి॥)
తారకబ్రహ్మమంత్రము తానై వున్నాఁడు రాముఁడు
ధారుణిలోఁ జెలువొందె దశరథరాముఁడు
(॥తార॥)
కొండలంతలు వానరకోటులు గొలువఁగాను
దండితోఁ గొలువున్నాఁడు తగ రాముఁడు
అండనే సీతాదేవి యమరి కూచుండఁగాను
మెండుగ సింహాసనాన మెరసీని రాముఁడు
(॥తార॥)
వామదేవ కౌశిక వసిష్ఠాదులవిన్నపా -
లాముకొని వినుచున్నాఁ డదె రాముఁడు
గోమున భరత శత్రుఘ్నులు ఛత్ర చామరాలు
కామించి పట్టుకుండఁగా కడుమించీ రాముఁడు
(॥తార॥)
కనకపుష్పకము చెంగట వీరాసనముతో
ననచి యానందాన నున్నాఁడు రాముఁడు
ఘన శ్రీవేంకటాద్రిపైఁ గల్పవృక్షము నీడ
హనుమంతుని చదువు లాలకించీ రాముఁడు
(||pallavi||)
tāragabrahmamaṁtramu tānai vunnām̐ḍu rāmum̐ḍu
dhāruṇilom̐ jĕluvŏṁdĕ daśharatharāmum̐ḍu
(||tāra||)
kŏṁḍalaṁtalu vānaragoḍulu gŏluvam̐gānu
daṁḍidom̐ gŏluvunnām̐ḍu taga rāmum̐ḍu
aṁḍane sīdādevi yamari kūsuṁḍam̐gānu
mĕṁḍuga siṁhāsanāna mĕrasīni rāmum̐ḍu
(||tāra||)
vāmadeva kauśhiga vasiṣhṭhādulavinnabā -
lāmugŏni vinusunnām̐ ḍadĕ rāmum̐ḍu
gomuna bharada śhatrughnulu shatra sāmarālu
kāmiṁchi paṭṭuguṁḍam̐gā kaḍumiṁchī rāmum̐ḍu
(||tāra||)
kanagabuṣhpagamu sĕṁgaḍa vīrāsanamudo
nanasi yānaṁdāna nunnām̐ḍu rāmum̐ḍu
ghana śhrīveṁkaḍādribaim̐ galbavṛkṣhamu nīḍa
hanumaṁtuni saduvu lālagiṁchī rāmum̐ḍu