കാ കാ
കാക്കേ കാക്കേ കൂടെവിടെ
കൂട്ടിനകത്തൊരു കുഞ്ഞില്ലേ
കറുത്തവാവിൻ മകളാം നിന്നുടെ
കുഞ്ഞിനു തീറ്റി കൊടുക്കൂല്ലേ
(കാക്കേ കാക്കേ)
കൊക്കോ കൊക്കോകോക്കോ
കോഴീ കോഴീ നില്ലവിടെ
പുലരിപ്പെണ്ണിൻ പൊന്മകനേ
(കോഴീ.....)
കൂവാൻ നല്ല വശമാണോ ?
കുറുമ്പു കാട്ടാൻ രസമാണോ ?
(കൂവാന്....)
രാവിലെ രാവിലെ കൂവും നിനക്കു
ശമ്പളമെന്താണ് ? പൂങ്കോഴീ
കൂ.... കൂ...
കുയിലേ കുയിലേ വീടെവിടെ ?
കൂടെ പാടും ഇണയെവിടെ ?
(കുയിലേ....)
നിങ്ങടെ വീണ കടം തരുമോ ?
ഞങ്ങടെ വീട്ടില് വന്നിടുമൊ ?
(നിങ്ങടെ....)
കണ്ണിലുറക്കം വരും വരേയ്ക്കും
താരാട്ടു പാടുമോ ? പൂങ്കുയിലേ
(കാക്കേ കാക്കേ...)