āhistā āhistā, āhistā āhistā
niṅdiyāṇ tū ā, in do nainoṅ meṅ
halke se hole se, kuchh sapne bhole se
niṅdiyāṇ tū lā, in do nainoṅ meṅ
bahe soyī soyī jaise sārī havāyeṅ, samā bhī hai soyā soyā sā
niṅdiyāṇ re, niṅdiyāṇ re, tū mere aṅgnā re, ā jā re
in jhuktī palkoṅ pe chhā jā re
mulāyam mulāyam sī nīlī nīlī rāt hai
thapaktī haiṅ is dil ko yādeṅ kaī
yādoṅ ke pālne meṅ koī khoyī khoyī bāt hai
o niṅdiyāṇ ab ā ke tū merī bītī lorī gā ke
mere khoye sapne dikhlā de
yādoṅ kā palnā jhulā de
mahkī havā kī reśhmī chādar kaho to bichhā dūṇ
nīl gagan se chāṇd ko le ke takiyā banā dūṇ
chāṅdnī lā ke tum ko oṛhā ke maiṅ gungunāūṇ gīt koī
us pal hī chupke se phir niṅdiyāṇ ā jāye
palkoṅ pe jaise ṭhahar jāye
mīṭhī mīṭhī niṅdiyāṇ āye
