श्री राम, श्री राम, श्री राम
स्वये श्रीरामप्रभु ऐकती
कुश लव रामायण गाती
कुमार दोघे एक वयाचे
सजीव पुतळे रघुरायाचे
पुत्र सांगती चरित पित्याचे
ज्योतीने तेजाची आरती
राजस मुद्रा, वेष मुनींचे
गंधर्वच ते तपोवनीचे
वाल्मीकींच्या भाव मनीचे
मानवी रुपे आकारती
ते प्रतिभेच्या आम्रवनातील
वसंत वैभव गाते कोकील
बालस्वरांनी करुनी किलबिल
गायनें ऋतुराजा भारिती
फुलापरी ते ओठ उमलती
सुगंधसे स्वर भुवनी झुलती
कर्णभूषणें कुंडल डुलती
संगती वीणा झंकारिती
सात स्वरांच्या स्वर्गामधुनी
नऊ रसांच्या, नऊ स्वरधुनी
यज्ञमंडपीं आल्या उतरुनी
संगमी श्रोतेजन नाहती
पुरुषार्थाची चारी चौकट
त्यात पाहता निजजीवनपट
प्रत्यक्षाहून प्रतिमा उत्कट
प्रभुचे लोचन पाणावती
सामवेदसे बाळ बोलती
सर्गामागुन सर्ग चालती
सचिव, मुनिजन, स्त्रिया डोलती
आसवे गाली ओघळती
सोडुनि आसन उठले राघव
उठुन कवळिती अपुले शैशव
पुत्रभेटीचा घडे महोत्सव
परि तो उभया नच माहिती
śhrī rām, śhrī rām, śhrī rām
svye śhrīrāmaprbhu aiktī
kuśh lav rāmāyaṇ gātī
kumār doghe ek vayāche
sajīv putḻe raghurāyāche
putr sāṅgtī charit pityāche
jyotīne tejāchī ārtī
rājas mudrā, veṣh munīṅche
gaṅdharvach te tapovnīche
vālmīkīṅchyā bhāv manīche
mānvī rupe ākārtī
te prtibhechyā āmravnātīl
vasaṅt vaibhav gāte kokīl
bālasvrāṅnī karunī kilbil
gāyneṅ ṝturājā bhāritī
phulāprī te oṭh umaltī
sugaṅdhse svar bhuvnī jhultī
karṇbhūṣhṇeṅ kuṅḍal ḍultī
saṅgtī vīṇā jhaṅkāritī
sāt svrāṅchyā svargāmdhunī
naū rasāṅchyā, naū svardhunī
yajñamaṅḍpīṅ ālyā utrunī
saṅgmī śhrotejan nāhtī
puruṣhārthāchī chārī chaukaṭ
tyāt pāhtā nijjīvnapaṭ
pratyakṣhāhūn prtimā utkaṭ
prbhuche lochan pāṇāvtī
sāmvedse bāḻ boltī
sargāmāgun sarg chāltī
sachiv, munijan, striyā ḍoltī
āsve gālī oghaḻtī
soḍuni āsan uṭhle rāghav
uṭhun kavḻitī apule śhaiśhav
putrbheṭīchā ghaḍe mahotsav
pari to ubhyā nach māhitī