Drona puspahaaram

ദ്രോണപുഷ്പഹാരമണിഞ്ഞു
ശ്യാമളാംഗി യാമിനി
എന്തു താമസമിനിയും വരുവാന്‍
എന്റെ സ്വപ്ന‌മോഹിനീ
(ദ്രോണ...)

പാല പൂത്ത പാതിരാവില്‍
പാല്‍‌നിലാക്കുളിരലയില്‍
എത്ര സുന്ദരിയാണീ രജനി
എത്ര മനോഹാരിണി...
കാത്തിരിപ്പൂ ഞാന്‍ നിന്നെ
കല്‌പനയിലെ കാമിനീ...
(ദ്രോണ...)

നീലവാന വൃന്ദാവനിയില്‍
നൂറു നൂറു പൂ വിരിയുമ്പോള്‍
ഏക പുഷ്പ സുന്ദരമാണെന്‍
മൂകരാഗ നന്ദനം...
കാത്തിരിപ്പൂ ഞാന്‍ നിനക്കായ്
ദേവലോകനന്ദിനീ...
(ദ്രോണ...)