जगाची झोकुनी दुःखे सुखाशी भांडतो आम्ही
स्वतःच्या झाकुनी भेगा मनुष्ये सांधतो आम्ही
फुकाचे काय शब्दांना मिळे दिव्यत्व सत्याचे
घराची राखरांगोळी कपाळी लावतो आम्ही
तुरुंगातील स्वप्नांची अम्ही धुंडाळितो स्वप्ने
वधस्तंभासवे दाही दिशांना हिंडतो आम्ही
कुण्याही चंद्रभागेचा किनारा प्यार आम्हाला
तिथे नाचे विठू झेंडा जिथे हा रोवतो आम्ही
दिले प्रत्येक वस्तीला अम्ही आकाश सोनेरी
जिथे जातो तिथे हाका उषेच्या वाटतो आम्ही
जरी या वर्तमानाला कळे ना आमुची भाषा
विजा घेऊन येणाऱ्या पिढ्यांशी बोलतो आम्ही
सुखाशी भांडतो आम्ही
Work
Language
jagāchī jhokunī duḥakhe sukhāśhī bhāṅḍto āmhī
svatḥachyā jhākunī bhegā manuṣhye sāṅdhto āmhī
phukāche kāy śhabdāṅnā miḻe divyatv satyāche
gharāchī rākhrāṅgoḻī kapāḻī lāvto āmhī
turuṅgātīl svapnāṅchī amhī dhuṅḍāḻito svapne
vadhastaṅbhāsve dāhī diśhāṅnā hiṅḍto āmhī
kuṇyāhī chaṅdrbhāgechā kinārā pyār āmhālā
tithe nāche viṭhū jheṅḍā jithe hā rovto āmhī
dile pratyek vastīlā amhī ākāśh sonerī
jithe jāto tithe hākā uṣhechyā vāṭto āmhī
jarī yā vartmānālā kaḻe nā āmuchī bhāṣhā
vijā gheūn yeṇāऱyā piḍhyāṅśhī bolto āmhī