Sollu sakhi

ചൊല്ലുസഖീ...ചൊല്ലുസഖീ....
കാരണം ചൊല്ലുസഖീ
ചൊല്ലുവാനാവാത്തൊരുല്ലാസമാര്‍ന്നുള്ളം
തുള്ളിക്കളിക്കുന്നതെന്തെ?
ചൊല്ലു സഖി.....

സൂര്യനുദിക്കുമ്പോള്‍ താമരപ്പൂവുപോല്‍
ചാരുമുകില്‍കണ്ട മാമയില്‍ പോല്‍
ചിത്തം വിടരുന്നു നൃത്തം തുടരുന്നു
ചിന്ത തുടിയ്ക്കുന്നതെന്തേ?
ചൊല്ലു സഖീ.....

കണ്ടേന്‍ കണ്ടേന്‍ കൈവല്യരൂപനെ കണ്ടേന്‍
താരിളം തൂമന്ദഹാസം നീല-
ത്താമരപ്പൂവിന്‍ വിലാസം - അതില്‍
ആയിരം സൂര്യപ്രകാശം
കനിവേ വടിവായ് കമനീയാംഗനെന്‍
കൈവല്യരൂപനെക്കണ്ടേന്‍
കണ്ടേന്‍ കണ്ടേന്‍ കൈവല്യരൂപനെക്കണ്ടേന്‍