de-de pyār de
de-de pyār de pyār de pyār de-de hameṅ pyār de -2
duniyā vāle kuchh bhī samjheṅ ham haiṅ prem dīvāne
jahāṇ bhī jāeṇ tujhe pukāreṅ gā ke prem tarāne
de-de pyār de …
āne ko to roz hī āte sūraj-chāṇd-sitāre
ho phir bhī aṇdherī hai ye duniyā tū hī rāh dikhāe
prem-pyār-sukh-chain kī varṣhā terī nazar se barse
ye dukh-dard kī āg meṅ bhī koī dil nā pyāsā tarse
de-de pyār de …
yahāṇ diloṅ ke bīch khaṛī jo vo dīvār girā de
hāṇ dil meṅ soī-soī aisī pyār kī jot jagā de
pyār ho dil meṅ to lagtī hai sārī duniyā pyārī
ham sārī duniyā ke sārī duniyā hamārī
de-de pyār de …
