शालू हिरवा, पाचू नि मरवा वेणी तिपेडी घाला
साजणी बाई येणार साजण माझा
गोर्या भाळी, चढवा जाळी, नवरत्नांची माला
साजणी बाई येणार साजण माझा
चूल बोळकी इवली इवली, भातुकलीचा खेळ गं
लुटूपुटीच्या संसाराची संपत आली वेळ गं
रेशिम धागे ओढीती मागे, व्याकुळ जीव हा झाला
सूर गुंफिते सनई येथे, झडे चौघडा दारी
वाजतगाजत मिरवत येईल घोडयावरुनी स्वारी
मी वरमाला घालीन त्याला, मुहूर्त जवळी आला
मंगलवेळी मंगलकाळी, डोळां का गं पाणी
साजण माझा हा पतिराजा, मी तर त्याची राणी
अंगावरल्या शेलारीला बांधिन त्याचा शेला
śhālū hirvā, pāchū ni marvā veṇī tipeḍī ghālā
sājṇī bāī yeṇār sājaṇ mājhā
goryā bhāḻī, chaḍhvā jāḻī, navratnāṅchī mālā
sājṇī bāī yeṇār sājaṇ mājhā
chūl boḻkī ivlī ivlī, bhātuklīchā kheḻ gaṅ
luṭūpuṭīchyā saṅsārāchī saṅpat ālī veḻ gaṅ
reśhim dhāge oḍhītī māge, vyākuḻ jīv hā jhālā
sūr guṅphite sanaī yethe, jhaḍe chaughḍā dārī
vājatgājat miravat yeīl ghoḍyāvrunī svārī
mī varmālā ghālīn tyālā, muhūrt javḻī ālā
maṅgalveḻī maṅgalkāḻī, ḍoḻāṅ kā gaṅ pāṇī
sājaṇ mājhā hā patirājā, mī tar tyāchī rāṇī
aṅgāvralyā śhelārīlā bāṅdhin tyāchā śhelā