Jeevan dor tumheen sang baandhee

jīvan ḍor tumhīṅ saṅg bāṇdhī
k‌yā toṛeṅge is bandhan ko
jag ke tūfāṇ āṇdhī re āṇdhī
jīvan ḍor …

ho na sake kabhī ham-tum nyāre
do tan haiṅ ik prāṇ hamāre
chāhe mile path meṅ aṇdhiyāre
chāhe ghire hoṅ bādal kāre
phir bhī rahūṇgī tumhārī tumhārī
jīvan ḍor …

yūṇ ghul mil rahnā jīvan meṅ
jaise rahe kajrā akhiyan meṅ
terī chhavi chāī rahe man meṅ
terā hī nām rahe dhaṛkan meṅ
tere daras kī maiṅ pyāsī re pyāsī
jīvan ḍor …

aisā mujhe vardān milā hai
tum k‌yā mile bhagvān milā hai
ab to janam bhar saṅg rahegā
is mehandī kā raṅg rahegā
tere charaṇ kī maiṅ dāsī re dāsī
jīvan ḍor …