सरयू तीरावरी अयोध्या मनुनिर्मित नगरी
त्या नगरीच्या विशालतेवर
उभ्या राहिल्या वास्तू सुंदर
मधुन वाहती मार्ग समांतर
रथ, वाजी, गज, पथिक चालती, नटुनी त्यांच्यावरी
घराघरावर रत्नतोरणे
अवती भवती रम्य उपवने
त्यांत रंगती नृत्य गायने
मृदंग वीणा नित्य नादती, अलका नगरीपरी
स्त्रिया पतिव्रता, पुरुषही धार्मिक
पुत्र उपजती निजकुल दीपक
नृशंस ना कुणी, कुणी ना नास्तिक
अतृप्तीचा कुठे न वावर, नगरी, घरी, अंतरी
इक्ष्वाकू-कुल कीर्ती भूषण
राजा दशरथ धर्मपरायण
त्या नगरीचे करीतो रक्षण
गृही चंद्रसा, नगरी इंद्रसा, सूर्य जसा संगरी
दशरथास त्या तिघी भार्या
सुवंशजा त्या सुमुखी आर्या
सिद्ध पतीच्या सेवाकार्या
बहुश्रुता त्या रूपशालिनी, अतुलप्रभा सुंदरी
तिघी स्त्रियांच्या प्रीतसंगमी
तिन्ही लोकीचे सुख ये धामी
एक उणे पण गृहस्थाश्रमी
पुत्रोदय पण अजुनी नव्हता, प्रीतीच्या अंबरी
शल्य एक ते कौसल्येसी
दिसे सुमित्रा सदा उदासी
कैक कैकयी करी नवसासी
दशरथासही व्यथा एक ती, छळीते अभ्यंतरी
राजसौख्य ते सौख्य जनांचे
एकच चिंतन लक्ष मनांचे
काय काज या सौख्य धनाचे
कल्पतरूला फूल नसे का? वसंत सरला तरी
saryū tīrāvrī ayodhyā manunirmit nagrī
tyā nagrīchyā viśhāltevar
ubhyā rāhilyā vāstū suṅdar
madhun vāhtī mārg samāṅtar
rath, vājī, gaj, pathik chāltī, naṭunī tyāṅchyāvrī
gharāghrāvar ratnatorṇe
avtī bhavtī ramy upavne
tyāṅt raṅgtī nṛty gāyne
mṛdaṅg vīṇā nity nādtī, alkā nagrīprī
striyā pativrtā, puruṣhhī dhārmik
putr upajtī nijkul dīpak
nṛśhaṅs nā kuṇī, kuṇī nā nāstik
atṛptīchā kuṭhe na vāvar, nagrī, gharī, aṅtrī
ikṣhvākū-kul kīrtī bhūṣhaṇ
rājā daśhrath dharmaprāyaṇ
tyā nagrīche karīto rakṣhaṇ
gṛhī chaṅdrsā, nagrī iṅdrsā, sūry jasā saṅgrī
daśharthās tyā tighī bhāryā
suvaṅśhjā tyā sumukhī āryā
siddh patīchyā sevākāryā
bahuśhrutā tyā rūpśhālinī, atulaprbhā suṅdrī
tighī striyāṅchyā prītasaṅgmī
tinhī lokīche sukh ye dhāmī
ek uṇe paṇ gṛhasthāśhrmī
putroday paṇ ajunī navhtā, prītīchyā aṅbrī
śhaly ek te kausalyesī
dise sumitrā sadā udāsī
kaik kaikyī karī navsāsī
daśharthāshī vythā ek tī, chhaḻīte abhyaṅtrī
rājsaukhy te saukhy janāṅche
ekach chiṅtan lakṣh manāṅche
kāy kāj yā saukhy dhanāche
kalpatrūlā phūl nase kā? vasaṅt sarlā tarī