kyā khoyā kyā pāyā jag meṅ
milte aur bichhaṛte mag meṅ
mujhe kisī se nahīṅ śhiqāyat
yadypi chhalā gayā pag pag meṅ
ek dṛṣhṭi bītī par ḍāleṅ
yādoṅ kī poṭlī ṭaṭoleṅ
apne hī man se kuchh boleṅ
prathvī lākhoṅ varṣh purānī
jīvan ek anant kahānī
par tan kī apnī sīmāeṇ
yadypi sau śhardoṅ kī vāṇī
itnā kāfī hai aṅtim dastak
par khud darvāzā kholeṅ
apne hī man se kuchh boleṅ
janm maraṇ kā avirat pherā
jīvan baṅjāroṅ kā ḍerā
āj yahāṅ kal kahāṇ kūch hai
kaun jāntā kidhar saverā
aṇdhiyārā ākāśh asīmit
prāṇoṅ ke paṅkhoṅ ko tauleṅ
apne hī man se kuchh boleṅ
