ഹരിശ്രീയെന്നാദ്യമായ് വിരല്പൂകൊണ്ടെഴുതിച്ച
ഗുരുവിന്റെ പാദപത്മം തൊഴുന്നൂ ഞങ്ങള്‍
കുലപതി ഗണപതി ഭഗവാനെ തൊഴുന്നൂ
കളവാണി ശ്രീവാണി ദേവിയെ തൊഴുന്നൂ
അഴകോടെ ആറുമുഖ സ്വാമിയെത്തൊഴുന്നൂ
പമ്പയാറിന്നപ്പുറത്തെ പവിഴമലകള്‍ക്കപ്പുറത്തെ
പൊന്നമ്പലമേടിലെ തിരുമുടി തൊഴുന്നൂ
മായയാകും കടല്‍ നീന്തി മല ചവുട്ടി വന്നൂ ഞങ്ങള്‍
മാളികപ്പുറം വാഴും അമ്മയെ തൊഴുന്നൂ
കണ്ണുനീരില്‍ നനഞ്ഞൊരീ കര്‍പൂരത്തിരി കൊളുത്തി
കൈയിലുള്ള പൊള്ളയായൊരുടുക്കും കൊട്ടി
പഞ്ചഭൂതച്ചുമടും താങ്ങി പതിനെട്ടാം പടി താണ്ടി
പത്മരാഗപ്രഭാമണ്ഡലനടയിലെത്തി
ശ്രീശബരിമലയിലെ ശ്രീകോവിലിനുള്ളിലെ
ശിവവിഷ്ണുചൈതന്യസാരത്തെ തൊഴുന്നൂ
