सांग मला रे सांग मला
आई आणखी बाबा यातून कोण आवडे अधिक तुला?
आई दिसते गोजिरवाणी, आई गाते सुंदर गाणी
तऱ्हेतऱ्हेचे खाऊ येती बनवायाला सहज तिला
आई आवडे आधिक मला
गोजिरवाणी दिसते आई, परंतू भित्री भागूबाई
शक्तीवान किती असती बाबा, थप्पड देती गुरख्याला
आवडती रे वडील मला
घरात करते खाऊ आई, घरातल्याला गंमत नाही
चिंगम अन् चॉकलेट तर, बाबा घेती रस्त्याला
आवडती रे वडील मला
कुशीत घेता रात्री आई, थंडी वारा लागत नाही
मऊ सायीचे हात आईचे, सुगंध तिचिया पाप्याला
आई आवडे आधिक मला
निजता संगे बाबांजवळी, भूते-राक्षसे पळती सगळी
मिशा चिमुकल्या करती गुदगुल्या त्याच्या आपुल्या गालाला
आवडती रे वडील मला
आई सुंदर कपडे शिवते, पावडर तीट तीच लावते
तीच सजविते सदा मुलींना रिबिन बांधून वेणीला
आई आवडे अधिक मला
त्या रिबिनीला पैसे पडती, ते तर बाबा मिळवूनी आणती
कुणी ना देती पैसा-दिडकी, घरात बसल्या आईला
आवडती रे वडील मला
बाई म्हणती माय पूजावी, माणूस ती न असते देवी
रोज सकाळी नमन करावे हात लावूनी पायाला
आई आवडे अधिक मला
बाबांचा क्रम वरती राही, त्यांच्या पाया पडते आई
बाबा येता भिऊन जाई सावरते ती पदराला
आवडती रे वडील मला
धडा शिक रे तू बैलोबा, आईहुनही मोठ्ठे बाबा
म्हणून आया तयार होती, बाबासंगे लग्नाला
आई आवडे अधिक मला
sāṅg malā re sāṅg malā
āī āṇkhī bābā yātūn koṇ āvḍe adhik tulā?
āī diste gojirvāṇī, āī gāte suṅdar gāṇī
taऱhetaऱheche khāū yetī banvāyālā sahaj tilā
āī āvḍe ādhik malā
gojirvāṇī diste āī, paraṅtū bhitrī bhāgūbāī
śhaktīvān kitī astī bābā, thappaḍ detī gurakhyālā
āvaḍtī re vaḍīl malā
gharāt karte khāū āī, gharātalyālā gaṅmat nāhī
chiṅgam an chaॉkleṭ tar, bābā ghetī rastyālā
āvaḍtī re vaḍīl malā
kuśhīt ghetā rātrī āī, thaṅḍī vārā lāgat nāhī
maū sāyīche hāt āīche, sugaṅdh tichiyā pāpyālā
āī āvḍe ādhik malā
nijtā saṅge bābāṅjavḻī, bhūte-rākṣhse paḻtī sagḻī
miśhā chimukalyā kartī gudgulyā tyāchyā āpulyā gālālā
āvaḍtī re vaḍīl malā
āī suṅdar kapḍe śhivte, pāvḍar tīṭ tīch lāvte
tīch sajvite sadā mulīṅnā ribin bāṅdhūn veṇīlā
āī āvḍe adhik malā
tyā ribinīlā paise paḍtī, te tar bābā miḻvūnī āṇtī
kuṇī nā detī paisā-diḍkī, gharāt basalyā āīlā
āvaḍtī re vaḍīl malā
bāī mhaṇtī māy pūjāvī, māṇūs tī na aste devī
roj sakāḻī naman karāve hāt lāvūnī pāyālā
āī āvḍe adhik malā
bābāṅchā kram vartī rāhī, tyāṅchyā pāyā paḍte āī
bābā yetā bhiūn jāī sāvarte tī padrālā
āvaḍtī re vaḍīl malā
dhaḍā śhik re tū bailobā, āīhunhī moṭhṭhe bābā
mhṇūn āyā tayār hotī, bābāsaṅge lagnālā
āī āvḍe adhik malā