रंगूनी रंगात सार्या रंग माझा वेगळा
रंगूनी रंगात सार्या रंग माझा वेगळा
गुंतूनी गुंत्यात सार्या, पाय माझा मोकळा
भोग जे येती कपाळी ते सुखाने भोगतो
अन् कळ्या झाल्या कधीच्या सोशिल्या ज्याच्या कळा
कोण जाणे कोठुनी ह्या सावल्या आल्या पुढे
मी असा की लागती ह्या सावल्यांच्याही झळा
राहती माझ्यासवे ही आसवे गीतांपरी
हे कशाचे दुःख ज्याला लागला माझा लळा
कोणत्या काळी कळेना मी जगाया लागलो
अन् कुठे आयुष्य गेले, कापुनी माझा गळा
सांगती तात्पर्य माझे सारख्या खोट्या दिशा
चालणारा पांगळा अन् पाहणारा आंधळा
माणसांच्या मध्यरात्री हिंडणारा सूर्य मी
माझियासाठी न माझा पेटण्याचा सोहळा
raṅgūnī raṅgāt sāryā raṅg mājhā vegḻā
guṅtūnī guṅtyāt sāryā, pāy mājhā mokḻā
bhog je yetī kapāḻī te sukhāne bhogto
an kaḻyā jhālyā kadhīchyā sośhilyā jyāchyā kaḻā
koṇ jāṇe koṭhunī hyā sāvalyā ālyā puḍhe
mī asā kī lāgtī hyā sāvalyāṅchyāhī jhaḻā
rāhtī mājhyāsve hī āsve gītāṅprī
he kaśhāche duḥakh jyālā lāglā mājhā laḻā
koṇatyā kāḻī kaḻenā mī jagāyā lāglo
an kuṭhe āyuṣhy gele, kāpunī mājhā gaḻā
sāṅgtī tātpary mājhe sārakhyā khoṭyā diśhā
chālṇārā pāṅgḻā an pāhṇārā āṅdhḻā
māṇsāṅchyā madhyrātrī hiṅḍṇārā sūry mī
mājhiyāsāṭhī na mājhā peṭaṇyāchā sohḻā