Kaanaattadellaam

കാണാത്തതെല്ലാം കാണുന്നു ഹാ നീ
കരുതാത്തതെല്ലാം കൈവന്നിടുന്നു
എന്തൊരു കാഴ്ചയിതെന്തു പരീക്ഷണം
എന്തു ചെയ്യേണ്ടു ഞാനിന്നേരം

യാമങ്ങള്‍ നീങ്ങി പിരിഞ്ഞിതെല്ലാരും
മാടങ്ങളെല്ലാമുറങ്ങിയെന്നാലും
കണ്ണിമപൂട്ടാതെ കാത്തിരിപ്പൂ രണ്ടു
കണ്ണുകള്‍ മാത്രമിതാ നിനക്കായു്

നിന്റെ സുഖത്തിനായു് നിന്‍ പ്രിയമൊന്നിനായു്
നിന്നെ നിഴല്‍ പോലെ പിന്‍ തുടര്‍ന്നു്
നില്‍ക്കയാണീ രണ്ടു നീലമിഴികളും
നീയൊന്നു വീണ്ടുമുണര്‍ന്നു കാണാന്‍
കണ്ണു തുറന്നു കാണാന്‍