Mutte nammude mutrattum

മുത്തേ നമ്മുടെ മുറ്റത്തും
മുത്തുക്കുടകളുയര്‍ന്നല്ലോ
ഓണം വന്നൂ ഓണം വന്നൂ നമ്മുടെവീട്ടിലും
ഓണപ്പൂക്കള്‍ വിരിഞ്ഞല്ലോ

അച്ഛനയച്ചൊരു കുപ്പായം
ആയിരം പൂവുള്ള കുപ്പായം
അല്ലിപ്പൂമെയ്യണിയുമ്പം
അമ്മയ്ക്കുള്ളില്‍ തിരുവോണം

കടലിന്നക്കരെയാണേലും
കരളിലിരിപ്പുണ്ടെപ്പോഴും
എന്നും സ്വപ്നം കാണുന്നു
എന്നും കണ്ണുകള്‍ നനയുന്നു

പനിനീര്‍വഴിയും നിന്മിഴിയില്‍
പതുങ്ങിനില്‍പ്പൂ നിന്നച്ഛന്‍
അമ്മയ്ക്കീ പൊന്മുഖമെന്നും
അച്ഛനെ നോക്കും കണ്ണാടി