प्रेम हे माझे तुझे बोलायचे नाही कधी
भेटलो आता परि भेटायचे नाही कधी
तू उभी जवळी अशी, खुणवी जरी एकांत हा
कालच्या सलगीतुनी बिलगायचे नाही कधी
या जागी माझे तुझे दुरुनीच नाते शोभते
त्या जुन्या स्मरूनी खुणा, जागायचे नाही कधी
होतसे सारेच का अपुल्या पसंतीसारखे
यापुढे शहरांत या बहरायचे नाही कधी
जाऊ दे ही पालखी माझी तुझ्या दारातुनी
तू तुझे आयुष्य हे उधळायचे नाही कधी
prem he mājhe tujhe bolāyche nāhī kadhī
bheṭlo ātā pari bheṭāyche nāhī kadhī
tū ubhī javḻī aśhī, khuṇvī jarī ekāṅt hā
kālachyā salgītunī bilgāyche nāhī kadhī
yā jāgī mājhe tujhe durunīch nāte śhobhte
tyā junyā smrūnī khuṇā, jāgāyche nāhī kadhī
hotse sārech kā apulyā pasaṅtīsārkhe
yāpuḍhe śhahrāṅt yā bahrāyche nāhī kadhī
jāū de hī pālkhī mājhī tujhyā dārātunī
tū tujhe āyuṣhy he udhḻāyche nāhī kadhī