Maine jee liyaa mar liyaa prem kar liyaa ... jitnaa darnaa thaa dar liyaa

maine jī liyā mar liyā prem kar liyā
jitnā ḍarnā thā ḍar liyā prem kar liyā
prem kar liyā …

har ek prem kahānī meṅ is dariyā ke pānī meṅ
ḍūb gae nādānī meṅ kitne log javānī meṅ
prem kā hamko sahārā nahīṅ lenā tay kar liyā
prem kar liyā …

duniyā vāle kahte haiṅ prem galī jo rahte haiṅ
dard hazāroṅ sahte haiṅ āṇkh se āṇsū bahte haiṅ
prem galī meṅ hī rahne ko hamne ghar liyā
prem kar liyā …

hai zālim saṅsār kahāṅ raste haiṅ dīvār kahāṅ
āe haiṅ majhdhār kahāṅ kāṭe haiṅ talvār kahāṅ
hamne āj hathelī pe sar apnā dhar liyā
prem kar liyā …