Aalundelayundelanyanyaiyund

ആലുണ്ടെലയുണ്ടെലയുണ്ടെലഞ്ഞിയുണ്ട്
ആയില്യത്തേഴിലം പാലയുണ്ട്
നൂറും പാലുംകുടിച്ചാടുപാമ്പേ തങ്ക
നൂലുംകഴുത്തിലിട്ടാടുപാമ്പേ

സര്‍പ്പവനത്തിലെ വള്ളിപ്പടര്‍പ്പിലെ
പുഷ്പശിഖാമണിമുത്തുചൂടി
വെട്ടിത്തിളങ്ങും മിഴികള്‍ നീട്ടി
നെറ്റിയില്‍ ഗോപിക്കുറിചാര്‍ത്തി
പുള്ളുവന്‍ പാട്ടുകേട്ടാടുപാമ്പേ
നീലപ്പുള്ളി റവുക്കയിട്ടാടുപാമ്പേ
ചാഞ്ചാടുപാമ്പേ
ആലുണ്ടെലയുണ്ടെലയുണ്ടെലഞ്ഞിയുണ്ട്........

ചുറ്റിപ്പിണയുന്ന ചുണ്ടുകള്‍ പൂക്കുന്ന
കെട്ടിപ്പുണരുന്ന വള്ളിപോലെ
പത്തിവിടര്‍ത്തുമിണപ്പാമ്പിന്‍ മെയ്യില്‍
കൊത്തുന്ന കാമശരം പോലെ
പൊത്തിപ്പുളഞ്ഞുനിന്നാടുപാമ്പേ
കുടംകൊട്ടുന്ന താളത്തിന്നാടു പാമ്പേ
ചാഞ്ചാടുപാമ്പേ
ആലുണ്ടെലയുണ്ടെലയുണ്ടെലഞ്ഞിയുണ്ട്.......