Pudiyoru sooryanudikkunnu

പുതിയൊരു സൂര്യനുദിക്കുന്നു പുലരിവിളക്കും തെളിയുന്നു
പൂവുകള്‍ താനേ വിരിയുന്നു പൂജാമണികള്‍ കിലുങ്ങുന്നു
തേരും കുതിരേം വന്നല്ലോ പോരിനു വീരനണഞ്ഞല്ലോ
ചോരന്മാര്‍ക്കിനി വഴിമുട്ടും നേരും നെറിയും നിലനില്‍ക്കും
പുതിയൊരു സൂര്യനുദിക്കുന്നു പുലരിവിളക്കും തെളിയുന്നു

വമ്പന്മാരാണേ കൊലകൊമ്പന്മാരാണേ
കുമ്പിടു കള്ളന്മാര്‍ കൂടെനടപ്പാണേ
കാടു വിഴുങ്ങണ്ടേ കട്ടുമുടിക്കണ്ടേ
കാശു മറിക്കണ്ടേ കയ്യടി വാങ്ങണ്ടേ
കഥയിനി മാറും സൂക്ഷിച്ചോ കളിയും നിര്‍ത്തിക്കോ
എലിയുടെ മാളം പൊത്തിക്കോ പുലിയും പേടിച്ചോ
പുതിയൊരു സൂര്യനുദിക്കുന്നു പുലരിവിളക്കും തെളിയുന്നു

കള്ളച്ചൂതാട്ടം അതിനെന്നും നെട്ടോട്ടം
കണ്ടു പിടിച്ചാലോ ഇല്ലാ മിണ്ടാട്ടം
എന്നും തലകീഴായ് തൂങ്ങും വേതാളം
ഇങ്ങനെ പോയാലോ നാളെ പാതാളം
ആളുകളുണരും സൂക്ഷിച്ചോ ആട്ടം നിര്‍ത്തിക്കോ
അളവുകളെല്ലാം മാറ്റിക്കോ തലയില്‍ മുണ്ടിട്ടോ
(പുതിയൊരു സൂര്യനുദിക്കുന്നു...)