രാഗമാലിക പാടിത്തളര്‍ന്നു രാപ്പാടികള്‍
പൂമണിക്കാറ്റിന്റെ മടിയില്‍ കിടന്നു പൂവാടികള്‍
ഉയരങ്ങള്‍ തേടുന്ന കൊട്ടാരക്കെട്ടുകള്‍
ലഹരിയില്‍ മുങ്ങി മയങ്ങി
നറുംനിലാവില്‍ മുഖം മൂടുവാനാകാതെ
നഗരം നാണിച്ചുറങ്ങി
ഉറങ്ങൂ... നീ ഉറങ്ങൂ...
ഉറങ്ങിയാല്‍ നിന്നച്ഛനോടിവരും
ഉറങ്ങുന്ന പൊന്നുമോനുമ്മ തരും
(രാഗമാലിക പാടിത്തളര്‍ന്നു)
ഹൃദയങ്ങള്‍ പാടുന്ന ഗദ്ഗദവീചിയില്‍
തുടികൊട്ടും ചേരി ഉറങ്ങി
ഉയരും വിശപ്പിന്റെ തീജ്വാലയില്‍
വീണു കരിയും കിടാങ്ങളുറങ്ങി
ഉറങ്ങൂ... നീ ഉറങ്ങൂ...
ഉറങ്ങിയാല്‍ നിന്നച്ഛനോടിവരും
ഉറങ്ങുന്ന പൊന്നുമോനുമ്മ തരും
(രാഗമാലിക പാടിത്തളര്‍ന്നു)
രാരീ രാരീ രാരാരോ....രാരീ രാരീ രാരീരോ..
രാരീ രാരീ രാരീരോ....രാരീ രാരീ രാരീരോ...
രാരീരോ....രാരീരോ....രാ....രീരോ...
