पाऊस पडून गेल्यावर, मन पागोळ्यांगत झाले
क्षितीजाच्या वाटेवरती पाण्यावर रांगत गेले
थेंबांना सावरलेल्या त्या गवतांच्या काडांचा
पाऊस पडून गेल्यावर, मी भिजलेल्या झाडांचा
पाऊस पडून गेल्यावर, मन थेंबांचे गारांचे
आईस चकवूनी आल्या त्या डबक्यांतील पोरांचे
मोडून मनाची दारे, येवुली पाऊल भरती
पाऊस पडून गेल्यावर, या ओल्या रस्त्यावरती
पाऊस पडून गेल्यावर, मी चंद्रचिंब भिजलेला
विझवून चांदण्या सार्या, विझलेला शांत निजलेला
पाऊस पडून गेल्यावर, मन भिरभीरता पारवा
पाऊस पडून गेल्यावर, मन गारठता गारवा
pāūs paḍūn gelyāvar, man pāgoḻyāṅgat jhāle
kṣhitījāchyā vāṭevartī pāṇyāvar rāṅgat gele
theṅbāṅnā sāvarlelyā tyā gavtāṅchyā kāḍāṅchā
pāūs paḍūn gelyāvar, mī bhijlelyā jhāḍāṅchā
pāūs paḍūn gelyāvar, man theṅbāṅche gārāṅche
āīs chakvūnī ālyā tyā ḍabakyāṅtīl porāṅche
moḍūn manāchī dāre, yevulī pāūl bhartī
pāūs paḍūn gelyāvar, yā olyā rastyāvartī
pāūs paḍūn gelyāvar, mī chaṅdrchiṅb bhijlelā
vijhvūn chāṅdaṇyā sāryā, vijhlelā śhāṅt nijlelā
pāūs paḍūn gelyāvar, man bhirbhīrtā pārvā
pāūs paḍūn gelyāvar, man gāraṭhtā gārvā