ai mere vatan ke logoṅ
tum khūb lagā lo nārā
ye śhubh din hai ham sab kā
lahrā lo tiraṅgā pyārā
par mat bhūlo sīmā par
vīroṅ ne hai prāṇ gṇvāe
kuchh yād unheṅ bhī kar lo -2
jo lauṭ ke ghar na āye -2
ai mere vatan ke logoṅ
zarā āṇkh meṅ bhar lo pānī
jo śhahīd hue haiṅ unkī
zarā yād karo qurbānī
jab ghāyal huā himālay
khatre meṅ paṛī āzādī
jab tak thī sāṇs laṛe vo
phir apnī lāśh bichhā dī
saṅgīn pe dhar kar māthā
so gaye amar balidānī
jo śhahīd…
jab deśh meṅ thī dīvālī
vo khel rahe the holī
jab ham baiṭhe the gharoṅ meṅ
vo jhel rahe the golī
the dhany javān vo āpne
thī dhany vo unkī javānī
jo śhahīd…
koī sikh koī jāṭ marāṭhā
koī gurkhā koī madrāsī
sarahad par marnevālā
har vīr thā bhāratvāsī
jo khūn girā pav.rat par
vo khūn thā hiṅdustānī
jo śhahīd…
thī khūn se lath-path kāyā
phir bhī bandūk uṭhāke
das-das ko ek ne mārā
phir gir gaye hośh gṇvā ke
jab ant-samay āyā to
kah gaye ke ab marte haiṅ
khuśh rahnā deśh ke pyāroṅ
ab ham to safar karte haiṅ
kyā log the vo dīvāne
kyā log the vo abhimānī
jo śhahīd…
tum bhūl na jāo unko
is liye kahī ye kahānī
jo śhahīd…
jay hind… jay hind kī senā -2
jay hind, jay hind, jay hind
