ऊन असो वा असो सावली
काटे अथवा फुले असू दे
या वाटेवर तुझ्या संगती
जीव जडवुनी मला हसू दे
कधी निराशा खिन्न दाटली
कधी भोवती रान पेटले
परि अचानक वळणावरती
निळे निळे चांदणे भेटले
गूज मनातील सांगत तुजला
चांदण्यात या मला बसू दे
कळी एकदा रुसून म्हणाली
नाही मी भुलणारच नाही
किती जरी केलीस आर्जवे
तरिही मी फुलणारच नाही
फुलून आली कधी न कळले
तशी लाजरी पुन्हा रुसू दे
सांजघनाचा सोनकेवडा
भिजवित आली ही हळवी सर
तुझ्या नि माझ्या भवतीचे जग
स्वप्नापरी हे झाले धूसर
तुला बिलगुनी चिंब भिजू दे
असे अनावर सुख बरसू दे .
ūn aso vā aso sāvlī
kāṭe athvā phule asū de
yā vāṭevar tujhyā saṅgtī
jīv jaḍvunī malā hasū de
kadhī nirāśhā khinn dāṭlī
kadhī bhovtī rān peṭle
pari achānak vaḻṇāvartī
niḻe niḻe chāṅdṇe bheṭle
gūj manātīl sāṅgat tujlā
chāṅdaṇyāt yā malā basū de
kaḻī ekdā rusūn mhṇālī
nāhī mī bhulṇārach nāhī
kitī jarī kelīs ārjve
tarihī mī phulṇārach nāhī
phulūn ālī kadhī na kaḻle
taśhī lājrī punhā rusū de
sāṅjaghnāchā sonkevḍā
bhijvit ālī hī haḻvī sar
tujhyā ni mājhyā bhavtīche jag
svapnāprī he jhāle dhūsar
tulā bilgunī chiṅb bhijū de
ase anāvar sukh barsū de .