ओळख पहिली गाली हसते
सांग दर्पणा कशी मी दिसते
आषाढीच्या तिन्हीसांजेला, पैलतीरी त्या पाणवठ्याला
बघुनि ज्याला जीव लाजला, आठवण त्याची हृदयी ठसते
नाव जयाचे घुमता कानी, चित्र रंगते मिटल्या नयनी
बाहुपाशी जाता विरुनी, माझ्यावर मी जेव्हा रुसते
करी बांगडी राजवारखी, नथनी बुगडी तुझ्यासारखी
तुझ्यापरी तो रत्नपारखी, म्हणूनी तुजला घडी घडी पुसते
oḻkh pahilī gālī haste
sāṅg darpṇā kaśhī mī diste
āṣhāḍhīchyā tinhīsāṅjelā, pailtīrī tyā pāṇavaṭhyālā
baghuni jyālā jīv lājlā, āṭhavaṇ tyāchī hṛdyī ṭhaste
nāv jayāche ghumtā kānī, chitr raṅgte miṭalyā naynī
bāhupāśhī jātā virunī, mājhyāvar mī jevhā ruste
karī bāṅgḍī rājvārkhī, nathnī bugḍī tujhyāsārkhī
tujhyāprī to ratnpārkhī, mhṇūnī tujlā ghaḍī ghaḍī puste