rāt kī mahafil sūnī sūnī
āṇkheṅ purnam dil nākām
sahme sahme armānoṅ kā
honā hī thā ye aṅjām …
bhūl gaye the apnī hastī
tujhko vafā ke jośh meṅ ham
sab kuchh khokar bebas hokar
ab āye haiṅ hośh meṅ ham
kaise rah gaye dil ke armān
ṭūṭā sāqī ṭūṭā jām
honā hī thā ye aṅjām …
sar ko jahāṇ ṭakrāye jāke
aisī koī dīvār nahīṅ
hāye rī qismat ham duniyā meṅ
pyār ke bhī haqdār nahīṅ
dil hotā jo apne bas meṅ
lete na ham pyār kā nām
honā hī thā ye aṅjām …
rāt ki mahafill sūnī sūnī …
