Braahmamuhoorttattil praanasakhi nee

ബ്രാഹ്മമുഹൂര്‍ത്തത്തില്‍ പ്രാണസഖി നീ
പല്ലവി പാടിയ നേരം
ഗുരുഗുഹദാസന്‍ ദീക്ഷിതരെഴുതിയ
ചരണം പാടിയ നേരം
നിന്‍സ്വരസുധയിലെ ശ്രുതിലയമായ് ഞാന്‍
നിന്നിലൊതുങ്ങിപ്പോയി...
(ബ്രാഹ്മമുഹൂര്‍ത്തത്തില്‍....)

ഹരികാംബോജി രാഗസരസ്സില്‍ നീ
അരയന്നക്കിളിയായീ
ഹരിണാക്ഷീ നിന്‍ ഹൃദയദലത്തില്‍ ഞാന്‍
ഹരിശ്രീ എഴുതിപ്പോയീ....
പ്രേമത്തിന്‍ ഹരിശ്രീ എഴുതിപ്പോയീ....
(ബ്രാഹ്മമുഹൂര്‍ത്തത്തില്‍....)

നിന്നംഗുലികള്‍ താലോലിച്ചൊരു തംബുരുവായ് ഞാന്‍ മാറീ
നിന്നധരങ്ങളില്‍ നീയറിയാതൊരു നിഷാദമായ് ഞാന്‍ മാറീ
കൈശികി നിഷാദമായ് ഞാന്‍ മാറീ
നിന്‍സ്വരസുധയിലെ ശ്രുതിലയമായ് ഞാന്‍
നിന്നിലൊതുങ്ങിപ്പോയി...