hāṇ …, sachchāī chhup nahīṅ saktī, banāvaṭ ke usūloṅ se
ki khuśhbū ā nahīṅ saktī, kabhī kāgaz ke phūloṅ se !
maiṅ intazār karūṇ, ye dil nisār karūṇ
maiṅ tujhse pyār karūṇ, o magar kaise aitbār karūṇ ?
jhūṭhā hai terā vādā !
vādā terā vādā, vādā terā vādā - (2)
vāde pe tere mārā gayā, bandā maiṅ sīdhā sādhā
vādā terā vādā, vādā terā vādā - (2)
tumhārī zulf hai yā, saṛak kā moṛ hai ye ?
tumhārī āṇkh hai yā, naśhe kā toṛ hai ye?
kahā kab kyā kisī se, tumheṅ kuchh yād nahīṅ
hamāre sāmne hai, hamāre bād nahīṅ
kitāb-e-husn meṅ to, vafā kā nām nahīṅ, are !
(mohabbat tum karogī ? tumhārā kām nahīṅ !) - (2)
akaṛtī khūb ho tum, merī mahbūb ho tum - (2)
nigāh-e-gair se bhī, magar mansūb ho tum
kisī śhāyar se pūchho, gazal ho yā rubāī
bharī hai śhāyrī meṅ, tumhārī bevafāī
ho ! dāman meṅ tere phūl haiṅ kam, aur kāṇṭeṅ haiṅ zyādā
vādā terā vādā, vādā terā vādā - (2)
vāde pe tere mārā gayā, bandā maiṅ sīdhā sādhā
vādā terā vādā, vādā terā vādā - (2)
tarāne jāntī hai, fasāne jāntī hai
kaī dil toṛne ke, bahāne jāntī hai
kahīṅ pe soz hai tū, kahīṅ pe sāz hai tū
jise samjhā nā koī, vahī ek rāz hai tū
kabhī tū rūṭh baiṭhī, kabhī tū muskrāī, are !
kisī se kī mohabbat, kisī se bevafāī ! - (2)
uṛāe hośh taubā, terī āṇkheṅ śharābī - (2)
zamāne meṅ huī hai, inhīṅ se har kharābī
bulāe chhāṇv koī, pukāre dhūp koī
terā ho raṅg koī, terā ho rūp koī
ho ! kuchh phark nahīṅ nām terā, raziyā ho yā rādhā !!
vādā terā vādā, vādā terā vādā - (2)
vāde pe tere mārā gayā, bandā maiṅ sīdhā sādhā
vādā terā vādā, vādā terā vādā - (2)