निंबोणीच्या झाडामागे चंद्र झोपला गं बाई
आज माझ्या पाडसाला झोप का गं येत नाही
गाय झोपली गोठयात, घरटयात चिऊताई
परसात वेलीवर झोपल्या गं जाई जुई
मिट पाकळ्या डोळ्यांच्या, गाते तुला मी अंगाई
देवकी नसे मी बाळा, भाग्य यशोदेचे भाळी
तुझे दुःख घेण्यासाठी, केली पदराची झोळी
जगावेगळी ही ममता, जगावेगळी अंगाई
रित्या पाळण्याची दोरी उरे आज माझ्या हाती
स्वप्न एक उधळून गेले माय लेकराची नाती
हुंदका गळ्याशी येता गाऊं कशी मी अंगाई
niṅboṇīchyā jhāḍāmāge chaṅdr jhoplā gaṅ bāī
āj mājhyā pāḍsālā jhop kā gaṅ yet nāhī
gāy jhoplī goṭhyāt, gharaṭyāt chiūtāī
parsāt velīvar jhopalyā gaṅ jāī juī
miṭ pākaḻyā ḍoḻyāṅchyā, gāte tulā mī aṅgāī
devkī nase mī bāḻā, bhāgy yaśhodeche bhāḻī
tujhe duḥakh gheṇyāsāṭhī, kelī padrāchī jhoḻī
jagāvegḻī hī mamtā, jagāvegḻī aṅgāī
rityā pāḻṇyāchī dorī ure āj mājhyā hātī
svapn ek udhḻūn gele māy lekrāchī nātī
huṅdkā gaḻyāśhī yetā gāūṅ kaśhī mī aṅgāī