Puspasaayagaa nin

Pushpasaayaka ,nin thiru nadayil

 പുഷ്പസായകാ നിന്‍ തിരുനടയില്‍
പൂജാരിണിയായ് വന്നു ഞാന്‍ പ്രേമ
പൂജാരിണിയായ് വന്നു
കളഭാഭിഷേകങ്ങള്‍ ചെയ്തുനിന്‍ മെയ്യില്‍
നളിനീ ദളങ്ങള്‍ ഞാന്‍ പെയ്തു

അംഗനമാരുടെ അംഗരാഗംകൊണ്ട്
കുങ്കുമമണിഞ്ഞനിന്‍ തിരുമാറില്‍
സന്ധ്യാപൂജയ്ക്ക് നടയടച്ചിരുന്നപ്പോള്‍
എന്നെത്തന്നെ ഞാന്‍ ചാര്‍ത്തിച്ചു

ചന്ദ്രനുദിക്കും നിന്‍ സ്വര്‍ണ്ണനഖങ്ങളില്‍
ചന്ദനമെതിയടിക്കാലുകളില്‍
പൊന്നമ്പലത്തിലെ വിളക്കണഞ്ഞിരുന്നപ്പോള്‍
എന്നെത്തന്നെ ഞാന്‍ നേദിച്ചു