Mayooranarttanamaadi

മയൂരനർത്തനമാടി
മലർ‍ക്കളിചെണ്ടുകള്‍ ചൂടി
മാധവ പൌർണ്ണമി
വന്നാലും പുല്‍വരമ്പിന്‍മേല്‍
ഇരുന്നാലും

വിസ്മൃതി വാതിലടച്ചാല്‍ തുറക്കുന്ന
തപ്തവിഷാദങ്ങളോടെ
എതോഗ്രീഷ്മത്തിന്‍
എകാന്ത നിശ്വാസം
കാതോർത്തു നില്‍ക്കുമീ കാട്ടില്‍
എന്നെ തിരയുന്ന സൌരഭ്യമെ
നിനക്കെന്റെ സാഷ്ടാംഗ പ്രണാമം

സന്ധ്യകളീറനുണക്കാന്‍ വിരിയ്ക്കുന്ന
സ്വർണ്ണാംബരങ്ങള്‍ക്കു താഴെ
ഏതോ ഗ്രാമത്തിന്‍
ശാലീന സങ്കല്‍പം
പൂതൂകി നില്‍ക്കുമീ കാട്ടില്‍
എന്നെ തിരയുന്ന സൌരഭ്യമെ
നിനക്കെന്റെ സാഷ്ടാംഗ പ്രണാമം