Vimoogasoga smrti

വിമൂകശോക സ്മൃതികളുണര്‍ത്തി
വീണ്ടും പൌര്‍ണ്ണമി വന്നൂ
വിഷാദവീചികള്‍ മാത്രം വിരിയും
വിപഞ്ചികേ നീ പാടൂ.. നീ പാടൂ

നിഴലിന്‍ പിറകേ നടന്നൂ..കാ-
ലിടറി വീണൂ പിരിഞ്ഞൂ നാം
നിനക്കു നന്മകള്‍ നേരുന്നൂ ഞാന്‍
നിറഞ്ഞ ഹൃദയവുമായ്.. നിറഞ്ഞ ഹൃദയവുമായ്
(വിമൂക...)

വിരിയട്ടേ നിന്‍ ജീവിത വേദിയില്‍
വിശുദ്ധ സ്വര്‍ഗ്ഗ സുഖങ്ങള്‍
സ്വപ്നം പോലൊരു സ്വപ്നം പോലെന്‍
സ്വയംപ്രഭേ നീ പിരിയൂ
സ്വയംപ്രഭേ നീ പിരിയൂ‍
(വിമൂക ശോക..)